PFIZER ANONSE ESÈ LI T AP FÈ SOU GRENN KOVID LA MONTRE LI EDE GERI KA KOVID KI PI GRAV LA. LI MENM AJI AK FÒS SOU OMICRON
Nan yon yon Anons li fè soti jodi madi 14 desanm nan, laboratwa Pfizer anonse medikaman kont kovid li a proteje moun kont pi grav ka kovid ki egzizte. Yo fè konnen tou grenn anti viral yo fonksyone pou varyan Omicon tou, ki ap fè ravaj nan peyi Afrikdisid ak an Ewòp e ki prezan tou nan peyi meriken.
Chèf ezekitif Pfizer a madan Albert Bourla fè kwè si yo aprouve oswa otorize remed sa , li ap yon zam enpòtan nan konbat viris kovid la.
Mwa pase, Pfizer te mande FDA ( depatman ki kontrole manje ak medikaman) pou otorize grenn yo a ki rele Paxlovid. Rezilta sa ki fek tonbe a ta dwe ogmante chans pou konpayi sa jwen otorizasyon, yon fason pou moun ki gen kovid yo ta jwenn remèd sa nan semen kap vini yo.
Nan anons yo fè a, Pfizer fe konnen si malad yo pran medikaman an nan 3 premye jou sintom yo komanse parèt, Paxlovid ap redui risk pou moun nan al lopital a 89 pou san. Si malad la pran remèd la nan 5 premye jou yo l ap redui risk yo a 88 pou sa.
Pou fini, Pfizer di yo teste medikaman sa sou 2246 moun ki pat vaksinen ki te pote yo volontè. Moun say yo te gentan nan faz grav maladi a.
Dapre ekonomis yo Pfizer pral fè anpil lajan ak medikaman sa. Yo estime Paxlovid la ka pote nenpòt 24 milya dola nan ane 2022 e 33 milya nan lane 2023. Sa ki pral mete Paxlovid nan tèt lis medikaman ki fè plis lajan nan yon lane lavant nan listwa.
